Hai unha serie de discos que penso marcan etapas novas na historia da música: os Beatles racharon tódolos límites co A Hard Day's Night, U2 fixeron historia co The Joshua Tree, Xenreira marcaron unha nova etapa con aquel Erguete!!! e teño a sensación de que o novo de Fanny+Alexander vai marcar unha etapa.
De veras, eu noto un salto cualitativo brutal con respecto ao anterior álbum, e noto todo isto porque eu teño que recoñecer que non son ouvinte frecuente de música en galego (eu que sei, este mes p.ex estou escoitando moito o novo de Wilco, o de The Sunday Drivers e cousas así) e o novo de Fanny+Alexander xa leva unha tempada nos máis escoitados no meu reproductor.
Encántame o hit que é Setecentos, a colaboración de Florent (Los Planetas) en Tardes de Domingo, ou a miña favorita: Artefacto Burbur.
Falaba deste tema o outro día cun amigo: só queda que o novo disco de The Homens sexa outro petardazo e cecais aos poucos estemos confirmando esta nova corrente de música moderna en galego, rachando ese tópico de "en galego só se fai música combativa,ska e punk".
Parabéns, de veras.
Moito vense comentando e falando, resurxindo vellas historias, o tema da capitalidade de Pontevedra, ao respecto da decisión de Núñez Feijoo de levar cousas da Xunta para Vigo.
Dende o punto de vista dun vigués destaco a entrada que escribiu Ghanito fai uns días e que respeto, el ten os seus argumentos e eu os meus.
Non teño moito que dicir sobre este tema, mais si destacaría un fragmento da entrevista que lle fan a Miguel Anxo Fernández Lores hoxe en El País:
Pregunta. ¿Por qué se ha puesto Pontevedra en pie de guerra con la designación de un quinto superdelegado en Vigo?
Respuesta. Es un agravio comparativo, es partir de que en Galicia ya no hay cuatro provincias sino cinco, y no tendría ningún problema en debatir esa cuestión porque no somos partidarios de la división provincial. Desde el punto de vista municipal, es una agresión sin precedentes, no tiene nada que ver con acercar la Administración al ciudadano. No tenemos inconveniente en que haya un subdelegado en Vigo pero si no se modifica el decreto, en la práctica, es dividir la provincia. Pontevedra es una ciudad orgullosa de sí misma, es la que más está creciendo en población en los últimos 10 años.
O dito, eu comparto en gran medida a opinión do meu alcalde. E eu agardo estar na manifestación do día 19 en Pontevedra. É a miña cidade.
Para escribir en La Voz de Galicia un artigo chamado Stop Castrapo. Alá cada cal coa súa conciencia...en fin. Feliz Día das Letras Galegas aos meus lectores, outro 17 de Maio máis dende Salamanca. Prometo ser máis constante con este blogue en galego, que anda algo esquecido...
Hoxe é luns, luns 2 de marzo, e na Galiza temos novo presidente de Goberno, Alberte Núñez Feijoo, gañador das eleccións contra todo prognóstico.
A campaña electoral estivo tan centrada en botar lixo enriba do bipartito que sinceramente eu e creo media Galiza non sabe moi ben do programa electoral de Feijoo, aínda que xa comecei a ler algunhas cousas en Chuza! como que pretende derogar o plano eólico e potenciar o gas por Reganosa en Ferrol, ben imos.
Polo que me interesa, é dicir: o plano tecnolóxico, pois tendo en conta que as Consellerías do PSOE chegaron a acordos con Microsoft tampouco haberá moita diferenza. Haberá que ver o cambio coas Consellerías do BNG, que potenciaban e subvencionaban software ceibe, iniciativas como ManComún na que estaban integrados proxectos como GalizaID no que eu mesmo participo.
Así que agora mesmo a sensación é de sorpresa, ou ao menos de relativa sorpresa. Certos sectores do BNG como Encontro Irmandiño onde participa Xosé Manuel Beiras avisaron fai xa tempo que a cidadanía non estaba percibindo cambio, e eiquí temos as consecuencias.
Baixo meu punto de vista persoal e intransferible, deberían rodar unhas cantas cabezas. No PSOE xa se foi Touriño e tendo en conta o pouco sentido común de ese partido farán o peor: poñer a Pepiño Blanco de candidato en 2013. Respecto ao BNG penso que a tarefa de atopar un líder se finalmente Quintana dimite será máis difícil: hoxe xa ouvín nomes como Aymerich, Bieito Lobeira (a priori meu favorito) ou incluso Suárez Canal. Quedan cuatro años moi interesantes.
(a imaxe do artigo está collida de Apocalipse do Porco)
Outra na prensa de hoxe: Baltar chama maricón ao Conselleiro de Medio Ambiente e insinúa que Quintana é un maltratador. Outro exemplo demostrado de o que queren.
¿E por que están tan nervosos os persoeiros do PP para caer na descalificación e tan baixo? Porque grazas a este goberno temos unha rede de centros de atención de enfermos de Alzhéimer pioneira no Estado, porque cada vez máis maiores teñen menús no seu fogar, porque estase a apostar por outra política para o noso monte, o BNG foi o único partido capaz de defender ASTANO e porque cousas como o Banco de Terras están a funcionar.
Máis neste artigo que publiquei en A Ponte Vella.
Medo teño.
Tuenti, para quen non o coñeza, é unha rede social española que ten certa semellanza a outras como Facebook e está tendo bastante popularidade entre a xente xove.
E pois estamos nunha campaña electoral, caracterizada polo uso ou máis ben tentativa de uso que os políticos fan das redes sociais para achegarse case sempre aos máis mozos.
E nestas estamos cando hoxe 10 de Febreiro Quintana foi a falar a Pontevedra con mozos na Facultade de Ciencias Sociais e da Comunicación.
No turno de preguntas e respostas apareceu Héctor Anllo que lle fixo a pregunta a Anxo Quintana de se ía ter perfil en Tuenti, pois Alberte Núñez Feijoo xa ten un, pois así chegaría ao electorado máis novo, tendo máis puntos (audio aquí).
Valorar, contrastar ou votar a un candidato político por se ten perfil en Tuenti ou non, a non ser que sexas o creador de Tuenti é certamente anecdótico.
É que esa pregunta é certamente unha parvada namentras cando non sexa o propio Quintana quen participe na conversa, e polo dagora non o fai.
Ao respecto ven un pouco tamén un gran artigo publicado fai non moito titulado Por qué seguiría sin ir a comer con Patxi López e ven dicindo un pouco o que digo eu: de que serve que o candidato se faga perfís en redes sociais se son mantidos por outros e non participa da conversa. Lean o artigo de Patxi López, que está ben interesante.
Visto en Vieiros. É que ás veces sobran as palabras.
Hoxe 8 de Febreiro, o Presidente e Editor de La Voz de Galicia, don Santiago Rey Fernández-Latorre, publicaba o artigo Eu protesto no seu xornal, maxino que nun intento de apoiar a causa de Galicia Bilingüe.
Eu, que adoito ler o seu xornal na web e en galego curiosamente é o primeiro artigo que vexo correctamente escrito, pois seu xornal adoita ser escrito en castelán e traducido cun traductor automático para os que queremos ler as súas novas en galego, atopando a miúdo cousas certamente rechamantes.
O señor Latorre di, entre outras cousas, o seguinte:
Pero eu, que fun multado precisamente por impulsar que se publicase en galego neste xornal, hoxe protesto.
Paréceme de alabar certamente súa actitude en certa etapa mais, ¿Ónde quedou? ¿Cal é a porcentaxe de novas en galego no seu xornal? Por favor, deixe de enaltecer o seu pasado galeguista e céntrese no seu presente no seu xornal.
Vivimos nunha etapa de xornais como o seu subvencionados por parte da Xunta de Galicia, á que vostede tanto critica. ¿Que sería do seu xornal sen a subvención que se lle da a prensa?
Pouco sei eu de xornais, mais opino como cidadán libre, que polo menos o caciquismo do que vostede fala aínda non chegaron aos blogues.
El alcalde de Lugo, Xosé López Orozco, animó ayer en Buenos Aires a los emigrantes “a que voten, aínda que non teñan os seus documentos actualizados, para demostrar que queren participar na vida política española”. “Todos os españois temos dereito a votar, con todas as garantías, pero que non nos quiten ese dereito con ningunha escusa”, afirmó el dirigente socialista en una rueda de prensa con los medios de comunicación argentinos.
(link: xornal de galicia)
Estou lendo... En Chuza!